Бишкекте милиция кызматкерлери жол эрежесин бузуп, рулда уюлдук телефон менен сүйлөшүп бара жаткан айдоочуга ок чыгарды. Бул тууралуу ИИМдин Жол кыймылы коопсуздугун камсыздоо башкы башкармалыгынан кабарлашты.
Маалыматка ылайык, окуя 12-октябрь күнү болжол менен саат 18:15 чамасында орун алган. Анда милиция кызматкерлери айдоочуну токтотууга аракет жасашкан. Бирок алардын аракетинен жыйынтык чыккан эмес.
Автоинспекторлор Лексус-470 үлгүсүндөгү унаанын айдоочусунун телефон менен сүйлөшүп бара жатканынан улам, аны унааны токтотуусун өтүнгөн. Бирок айдоочу бейкапар, эскертүүгө карабай жолун улаган. Мындан улам автоинспекторлор аталган үлгүдөгү унаанын артынан кууп жөнөшкөн. Милиция кызматкерлери качып бара жаткан айдоочуну ашып өтүүгө аракет кылганы менен ал буга жол берген эмес. Мындан улам инспекторлор тарабынан алгач асманды көздөй эскертүү огу атылган. Айдоочу эскертүүлөрдү эске албай милиция кызматкерлеринин куралын жулуп алууга аракет жасаган. Мындан улам айдоочуга карата ок атылып, ал ооруканага жеткирилген. Унаа 1991-жылы туулган М.Х. аттуу жаранга таандык экени аныкталды, — деп айтылат маалыматта.
Аталган факты Кылмыштардын жана жоруктардын бирдиктүү реестрине каттоого алынып, учурда тергөө иштери жүрүүдө.
Бишкекте автобус айдоочуларына түшүндүрүү иштери жүргүзүлүүдө. Муниципалитеттен билдиришкендей, «Бишкек жүргүнчүлөр автотранспорт» муниципалдык ишканасынын жол кыймылынын …
Кыргызстандын аймагында 15-апрелден 21-апрелге чейинки бир жума аралыгында алдын ала маалымат боюнча 22 миң 564 …
Чүй облусунун аймагында жол унаа кырсыктарын алдын алуу жана болтурбоо максатында «Бахус» профилактикалык мүнөздөгү рейддик …
Ошто жөө өтмөктөн эки окуучуну сүзүп качкан айдоочу кармалды. Маалыматка ылайык, кырсык 10-апрелде шаардагы 8-март …
Кыргызстанда жыл башынан бери мас абалында унаа башкарган 3,7 миң айдоочу аныкталды. Бул тууралуу Жол …
Сокулукта маршрутканын айдоочусу өспүрүмдү сүзүп, ал окуя болгон жерде каза болгон. Маалыматты Чүй облустук ички …
