Бишкек шаарында алдамчылыкка шектелген аял кармалды. Бул тууралуу бүгүн, 19-февралда Октябрь РИИБдин басма сөз кызматы билдирди.
Маалыматка ылайык, шектүү 2020-жылдын башында жабырлануучуга киреше ала турганын айтып ишендирген. 532 миң 730 сом алгандан кийин качып кеткен.
«Жабырлануучу милиция кызматкерлерине кайрылып, алдамчылык беренеси менен иш башталган. Бул ишке шектелип 1979-жылы туулган М.Г. кармалды»,-деп айтылат маалыматта.
Учурда тергөө жүрүп жатат.