Бишкекте батирден аял кишинин сөөгү табылды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Бишкек шаардык куткаруу кызматынын куткаруучулары Токтоналиев көчөсүндө жайгашкан көп кабаттуу турак үйдүн батиринин бекилип калган эшигин ачууга тартылган. Эшикти ачкан кезде батирдин ичинен 97 жаштагы Г.М. аттуу аял кишинин сөөгү табылган.
Куткаруучулар маркумдун сөөгүн милиция кызматкерлерине өткөрүп беришкен.
