• Жума 29 Жалган куран 2024
  • Пятница 29 Март 2024
Орозо

Бишкекте болгон башаламандыкта банктын айнегин сындырган кыз кармалды

6 Аяк оона 2019 12:36 Бишкек Govori.TV

Кой-Таш окуясынан кийин Бишкек шаарында болгон башаламандык учурунда калаадагы банктардын биринин айнегин талкалады делген кыз кармалды. Бул тууралуу ШИИББден билдиришти.

Маалыматка караганда, 9-августта Биринчи Май райондук ички иштер бөлүмүнө банктын Ж.А. аттуу өкүлү арыз менен кайрылган. Ал укук коргоочулардан кеңсенин айнегин талкалап кеткен белгисиз кызга чара көрүүнү өтүнгөн.

Аталган факты Кылмыш жана жоруктардын бирдиктүү реестрине Кылмыш-жаза кодексинин «Бейбаштык» беренеси боюнча каттоого алынган.

Ыкчам-издөө аракеттеринин жыйынтыгында борбор калаанын аймагынан 17 жаштагы А.А. аттуу кыз кармалып, Биринчи Май райондук ички иштер бөлүмүнө жеткирилди.

Учурда тергөө иштери уланууда.

Количество просмотров: 71