Бишкекте дүкөндөн өрт чыкты. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, бүгүн, 7-февралда Бишкек шаарынын Чүй проспектисинде жайгашкан «Fiх Рrice» дүкөнүнөн өрт чыккан. Өрттү өчүрүүгө жалпы 4 бөлүм, штаб жана 1 автошаты тартылган.
Мындан тышкары Бишкек шаардык Куткаруу кызматынан 5 куткаруучу, ИИМден 2 бригада жана тез жардам кызматынан 1 бригада, РЭТтен 1 бригада тартылган.
«Fiх Рrice» дүкөнүнөн чыккан өрт саат 09:19да чектөөгө алынып, саат 09:50дө толугу менен өчүрүлгөн. Учурда өрттүн келип чыгуу себептери такталууда.
