Бишкекте эт комбинаттагы өрт өчө элек. Себеби, андагы түтүн коюу жана уулуу болгондуктан өчүрүү кыйынчылык жаратууда
Бишкекте эт комбинаттагы өрт өчө элек. Себеби, андагы түтүн коюу жана уулуу болгондуктан өчүрүү кыйынчылык жаратууда
9 Баш оона 201812:55 Бишкек Govori.TV
Бишкек. 09.08.2018. Govori.TV
Бишкектеги Москва жана Фучик көчөлөрүнүн кесилишинде 5 кабаттуу эт комбинаттын 5 миң чарчы метрге жакын аянты күйүп кетти. Учурда өрт өчүрүү аракети улантылууда. Бул тууралуу Өзгөчө кырдаалдар министрлигинин Бишкектеги башкармалыгынын башчысы Адилбек Чаргынов Govori.TV сайтына билдирди.
«Бизге эртең менен саат 4:53тө чакыруу келип түшкөн. Алгач кырсык болгон жерге бир гана өрт өчүрүү унаасы келген. Бирок имараттын күйүп жаткан аймагы чоң экендиги билингенден кийин кошумча 4 топ чакыртылган. Учурда 5 миң чарчы метрге жакын аянт күйүп кетти. Өрттөн чыккан түтүн коюу жана уулуу болгондуктан иштөөгө тоскоолдук жаралууда»-дейт Чаргынов.
Ошондой эле Адилбек Чаргынов өрт эмнеден келип чыкканы такталып жатканын жана дагы кошумча маалымат берилет дейт.
