Бишкекте коомдук транспорттун беш айдоочусу иштен алынды. Буга алардын жол эрежесин одоно бузгандыгы себеп болгон.
Муниципалитеттен билдиришкендей, андан тышкары, 3 айдоочу 100% сый акысынан ажыратылган.
Маалыматка ылайык, бүгүг «Бишкек жүргүнчүлөр автотранспорт ишканасы» муниципалдык ишканасы, “Бишкек троллейбус башкармалыгы” муниципалдык ишканалары жол кырсыктарынын алдын алуу жана болтурбоо максатында айдоочулар арасында жыйын өткөрдү.
Анын жүрүшүндө жаңы автобустардын катышуусундагы жол кырсыктарынын көбөйүшү боюнча маселе каралып, айдоочуларга жол кыймылынын эрежелерин сактоо боюнча түшүндүрүү иштери жүргүзүлүп, эрежени сактабаган айдоочуларга өтө катаал жана ыкчам чараларды көрүү боюнча милдеттер коюлду.
Мындан тышкары, накталай эмес төлөм системасына толук өтүүдө пландын аткарылышы туралуу маселе көтөрүлүп, жүргүнчүлөрдөн накталай эмес төлөм жүгүртүүсүн талап кылуу, айдоочуларга коюлган баардык талаптарды жана эрежелерди сактоо талкууланды.
Жыйынга Бишкек шаарынын мэриясынын Транспорт жана жол-транспорттук инфратүзүмдү өнүктүрүү департаментинин директору Уланбек Бейшенбаев, Бишкек шаарынын прокуратурасынын өкүлү Исланбек Кудакеев, Бишкек ШИИБ ыйгарым укукту өкүлү Солтонов Самат, Патрулдук милиция башкы башкармалыгынын улук лейтенанты Кадырбек Батырбеков, «БЖАИ» муниципалдык ишканасынынын директору Талант Капаров, ишкананын кызматкерлери, автоколонналардын башчылары жана айдоочулар катышты.
Белгилей кетсек, “Бишкек жүргүнчүлөр автотранспорт ишканасы” муниципалдык ишканасынын айдоочулары жол кыймылынын эрежелери боюнча сынак тапшырууда.
Жыйындын натыйжасында жол кыймылынын эрежелерин сактабаган, накталай эмес төлөм жүгүртүүдө каражаттарды ысырап кылган айдоочуларга өтө катаал чаралар көрүлөрү эскертилди.
Бишкекте автобус айдоочуларына түшүндүрүү иштери жүргүзүлүүдө. Муниципалитеттен билдиришкендей, «Бишкек жүргүнчүлөр автотранспорт» муниципалдык ишканасынын жол кыймылынын …
Кыргызстандын аймагында 15-апрелден 21-апрелге чейинки бир жума аралыгында алдын ала маалымат боюнча 22 миң 564 …
Чүй облусунун аймагында жол унаа кырсыктарын алдын алуу жана болтурбоо максатында «Бахус» профилактикалык мүнөздөгү рейддик …
Ошто жөө өтмөктөн эки окуучуну сүзүп качкан айдоочу кармалды. Маалыматка ылайык, кырсык 10-апрелде шаардагы 8-март …
Кыргызстанда жыл башынан бери мас абалында унаа башкарган 3,7 миң айдоочу аныкталды. Бул тууралуу Жол …
Сокулукта маршрутканын айдоочусу өспүрүмдү сүзүп, ал окуя болгон жерде каза болгон. Маалыматты Чүй облустук ички …
