Бишкекте кош бойлуу келин таксиде көз жарды. Бул тууралуу тез жардам кызматынан тастыкташты.
Маалыматка ылайык, чакырууга Бишкек шаарындагы Медициналык борбордун №4 мобилдик реанимация бригадасы келген.
«Тез жардам кызматына 15-августта саат 10:16дар чамасында чакыруу түшкөн. Анда 22 жаштагы эне төрөт үйүнө бара жатканда толгоосу келип, жолдон көз жарган», — деп айтылат билдирүүдө.