Бишкек.13.12.2018.Govori.TV
Бүгүн, 13-декабрда интернет булактарына кытайлардан каттуу токмок жеп, жабыркаган жарандын тасмасы тарады. Бул видео учурда социалдык тармактарда кызуу талкулануу менен бирге кыргыздардын кытайларга болгон кыжырдануусун мурункудан дагы күчөттү. Себеби ал тасмада алгач эле жашы бир топко барып калган аксакалдын кытайлардын кыргыз жигитине жасаган зомбулугун айтып келип, кыргыз бийлигине нараазычылык билдирип жатканын көрүүгө болот. Кийин жабырлануучунун кийими бычак менен тилингенин жана денесинен дагы сокку жеген тактардын издерин көрсөтүп берген.
ИИМдин басма сөз кызматы бул факт боюнча маалымат текшерилип, териштирүү иштери жүрүп жатканын кабарлады.
