Бишкек шаарында пневмонияга 11 миң 513 адам кабылды. Бул тууралуу бүгүн, 17-декабрда вице-мэр Айжан Чыныбаева брифинг учурунда билдирди.
«Үстүбүздөгү жылдын 16-декабрына карата коронавирус инфекциясын жуктуруп алгандардын саны 25 миң 901 адамга жетти. Бул өлкө боюнча илдетке чалдыккандардын 33 пайызын түзөт. Анын ичинен коронавирус инфекциясын жуктуруп алгандар 14 миң 338 адам болсо, 11 миң 513 адам пневмонияга кабылды» ,- деди Чыныбаева.