• Жума 25 Аяк оона 2020

Бишкекте турусттик компаниянын жетекчиси алдамчылыкка шектелүүдө

14 августа 2020 в 14:54 Бишкек Govori.TV

Бишкек шаарында «Альянс» туристтик компаниясынын жетекчиси алдамчылыкка шектелип кармалды. Бул тууралуу Биринчи май РИИБдин басма сөз кызматынан билдиришти.

Маалыматка ылайык, 11-августта милицияга жабырлануучу кайрылып, «Альянс» туристтик компаниясынын жетекчисине чара көрүүнү суранган. Анын айтымында, жетекчи ушул жылдын 13-январында туристтик кызмат үчүн 126 миң 288 сом алып, качып кеткен. Мындан тышкары милицияга дагы 8 адам кайрылып, «Альянс» компаниясынын иш-аракеттеринен жабыр тартканын билдиришкен.

Натыйжада шектүү катары 1986-жылы туулган Т.М. кармалып, убактылуу кармоочу жайга киргизилген.

«Бул факт Жазык кодексиндеги 204-берене (алдамчылык) боюнча Кылмыштар жана жоруктардын бирдиктүү реестрине катталган.

“13-августта Бишкектин Биринчи май райондук соту шектүүнү октябрь айына чейин үй камагына чыгарды. Учурда анын ушул сыяктуу башка кылмыштарга тиешеси аныкталып жатат”, – деп айтылат маалыматта.

Шектүүдөн жабыркагандар (0312) 56-32-48, (0708) 58-88-85, (0550) 10-23-60 телефон номурларына кайрылса болот.

Количество просмотров: 212