Бишкек.15.05.2019.Govori.TV.
Т. Сатылганов атындагы Улуттук филормонияга катар жайгашкан Жаштар Аллеясына өзгөчө дизайндагы отургучтар орнотулду. Бул тууралуу «Бишкек жашыл чарба» ишканасынын басма сөз кызматчысы фейсбук баракчасына жазды.
«Бишкек жашыл чарба ишканасы үчүн бул жаңы багыт. Жаңы дизайнда жасалган отургучтар абдан ыңгайлуу. Отургучтарга сүрөт тартпаганга, сындырбаганга, бут менен чыкпаганга чакырабыз!», -деп жазылат билдирүүдө.
Бул отургучтардын ар биринин узундугу 12 метрди түзүп, токой кампасында сакталып турган жыгачтан жасалган.
Кошумчалай кетсек, дал ушундай отургучтар жакында Чүй, Манас көчөлөрүнүн кесилишине орнотулат.