Бишкек шаарында жарандык никедеги аялынын кызын уурдаган шектүү кармалды. Бул тууралуу Милициянын кайгуул кызматынын басма сөз кызматынан билдиришти.
Маалыматка ылайык, бүгүн, 8-апрелде саат 13:36 чамасында Бишкек ШИИБдин «102» кызматына Горький жана Кулатов көчөлөрүнүн кесилишинен кичинекей кыз уурдалганы тууралуу маалымат түшкөн. Жоголгон кыздын апасы (1988-жылы туулган В.И.) билдирген маалымат боюнча, жарандык никедеги жолдошу 2018-жылы төрөлгөн кызын «БМВ X5» үлгүсүндөгү автоунаага салып, уурдап кеткенин айткан.
Көп узабай 1982-жылы туулган Ш.Ф. кармалган. Ал Октябрь РИИБдин тергөө кызматына жеткирилди.
«Кыз апасына берилди. Абалы жакшы»,-деп айтылат малыматта.