Бишкекте кайгуул кызматкерлеринен качып бара жаткан жаш балдар жол кырсыгына кабылышты. Бул тууралуу Бишкек шаары боюнча Милициянын кайгуул кызматынан билдиришти.
Маалыматка ылайык, кайгуулчулар шаардын көчөлөрүн кыдырып жүрүп, Тоголок Молдо көчөсүнөн белгисиз адамдар «Субару Легаси» үлгүсүндөгү унаага адамды тыгып баратканын байкашкан.
«Бул кайгуул кызматкерлерине шек жаратып, алар анын артынан түшүшкөн. Сигналдын катуу сүйлөгүч аппараты аркылуу унааны текшерүү үчүн токтотууну талап кылышкан, бирок айдоочу ылдамдыгын жогорулатуу менен кыймылын уланткан. Ошентип кайгуул кызматкерлери айдоочуну бир нече ирет мыйзамга баш ийүүсүн талап кылышкан, бирок унаа кайгуулчулардан алыстап, көрүнбөй калган.
Кийинчерээк белгилүү болгондой, аталган унаа Төмөнкү Ала-Арча айылында кырсыкка учураган. Катуу ылдамдыкта келе жаткан унаа алгач даракты, андан соң Тоголок-Молдо менен Саадаев көчөлөрүнүн кесилишиндеги темир-бетон тосмону сүзгөн», деп айтылат билдирүүдө.
Бишкек шаары боюнча Милициянын кайгуул кызмакерлери биринчи жардам көрсөтүшүп, дароо тез жардам чакырышкан. Белгилүү болгондой, унаада 5 адам болгон. Үч адам алган жаракатынан улам окуя болгон жерде каза болду (өздүктөрү такталууда), ал эми 2003-жылы туулган Н.А. жана 2005-жылы туулган У.М. №4 шаардык ооруканага жеткирилген.
Азыркы учурда зарыл болгон экспертизалар дайындалып, тергөө жүрүп жатат.
Бишкек шаарынын Манас простпектисинде алты унаанын катышуусунда жол кырсыгы катталды. Милициянын кайгуул кызматынан билдиришкендей, жол …
Бишкектин бир бөлүгүндө таза суу убактылуу өчүрүлөт. Бул тууралуу мэриядан кабарлашты. Маадыматка ылайык, Жал кичи …
Бишкекте бүгүн, 16-апрелден тарта №23 жаңы автобустук каттам ишке кирет. Муниципалитеттен билдиришкендей, жаңы автобус линиясынын …
Бишкектин көчөлөрүндөгү таяныч мамыларына уруксатсыз илинген жарнамалар тазаланууда. Бул тууралуу мэриядан билдиришти. Белгиленгендей, мамыларды таза …
Бишкек шаарын көрктөндүрүү жана жашылдандыруу боюнча жарыяланган эки айлыктын алкагында борбор калаанын бардык райондорунда массалык …
Бишкекте балдар жөнүндө мыйзамдын талаптарынын сакталышы боюнча Биринчи май районунун социалдык өнүктүрүү башкармалыгына текшерүү жүргүзүлдү. …
