Бишкек. 11.07.2019. Govori.TV
Бишкекте жоголгон өспүрүм кыз аман-эсен табылды. Бул тууралуу Бишкек шаардык милициясынын басма сөз кызматы билдирет.
Маалыматка ылайык, 7-июль күнү Бишкектин Свердлов райондук ИИБне шаар тургуну О.Ж., кайрылып, 15 жаштагы К.К., аттуу кызын табууда жардам сураган.
Кыздын апасынын айтуусунда, 2019-жылдын 6-июлунда болжол менен саат 18:30да өспүрүм кыз үйүнөн чыгып кеткен боюнча кайтып келген эмес.
Аталган факты Бишкек шаардык Свердлов районунун Кылмыштар менен жоруктардын бирдиктүү реестринде каттоого алынган.
Бүгүн калаадагы «Чыгыш-5» кичирайонунун аймагынан кыз аман-эсен табылып, ата-энесине өткөрүлүп берилген.
