Бишкектеги Чыңгыз Айтматов проспектисинде жайгашкан «Байчечекей» соода дүкөнүндө өрт чыкты.
Маалыматка ылайык, кырсык кечээ, 8-декабрда таңкы саат 5 те болгон.
«Өрт таңкы саат 05:01де чыккан. Окуя болгон жерге өрт өчүрүүчүлөр барып, өрттү чектөөгө алышты.Өрттүн кесепетинен дүкөндүн 155 чарчы метри, текчелери жана товарлар күйгөн», — деп айтылат маалыматта.
Өзгөчө кырдаалдар министрлигинин маалымат кызматынан билдиргендей, өрттөн жабыркагандар жок.