Бишкектеги кайсы конуштарда коронавирус табылды?

Бишкек шаарында коронавирус тастыкталган 231 бейтаптын ичинен 190 адам шаардык каттоодогу даректер боюнча жашайт, 41 адамдын каттоосу башка шаарларда. Бул тууралуу бүгүн, 4-майда Бишкектин вице-мэри Татьяна Кузнецова брифингде билдирди.

COVID-19 жуктурган жарандардын көпчүлүгү Ленин районунда — 82 адам, Октябрь районунда – 46 адам, Биринчи май районунда — 41, Свердлов районунда 21 адам жашайт.

Коронавирус аныкталган 69 жаран Бишкектеги 16 конушта жашайт.

Ленин району:

• Арча-Бешик – 21,
• Ак-Өргө – 3,
• Ынтымак – 3,
• Ак-Ордо – 2.

Октябрь району:

• Көк-Жар – 5,
• Кара-Жыгач – 1,
• Алтын Ордо – 1.

Биринчи Май району:

• Ак-Босого – 13,
• Көлмө – 11,
• Тынчтык – 1,
• Касым – 1,
• Мурас-Ордо – 1.

Свердлов району:

• Учкун – 2,
• Керамический – 2,
• Красный строитель – 1,
• Эне-Сай – 1.