Бишкектеги мыйзамсыз орнотулган балкондор алынат

Бишкек шаарынын мэриясы шаар аймагында райондук администрациялар тарабынан мыйзамсыз курулган балкондорду демонтаждоо иштери улантылып жатканын билдирди.

Маалыматта айтылгандай, демонтаждалуучу объектилер тандалма негизде аныкталган эмес. Буга чейин тиешелүү кызматтар менен биргеликте көчмө текшерүүлөр жүргүзүлүп, бардык мыйзам бузуулар аныкталган.

«Белгиленген талаптарды бузуу менен курулган объектилердин ээлерине мыйзамда каралган тартипте тиешелүү эскертмелер жана көрсөтмөлөр тапшырылган. Айрым учурларда батир ээлери жашаган жеринде жок болгондуктан демонтаждоо иштери убактылуу жылдырылган. Анткени алардын катышуусусуз демонтаж жүргүзүү мүмкүн эмес. Ушуга байланыштуу айрым балкондор азырынча алынбай турат. Ошол эле учурда мурда тиешелүү көрсөтмөлөр берилген бардык мыйзамсыз курулган балкондор милдеттүү түрдө демонтаждалат. Иштер эч кандай тандоосуз, белгиленген тартипте жана колдонуудагы мыйзамдардын негизинде жүргүзүлүүдө», — деп жазылат билдирүүдө.

Эске салсак, Бишкек шаардык кеңешинин 2024-жылдын 14-майындагы №134 токтому менен бекитилген «Бишкек шаарынын аймагындагы маалыматтык жана жарнамалык конструкцияларды жайгаштыруу жана пайдалануу эрежелерине, ошондой эле имараттардын жана курулмалардын фасаддарынын тышкы көрүнүшүнө коюлган талаптарга» ылайык, 121-пунктта төмөнкүлөргө жол берилбейт:

• балкондорду жана лоджияларды өз алдынча айнектөө;
• алардын көлөмүн өзгөртүү;
• түс чечимин өзгөртүү;
• тосмолордун сүрөтүн жана элементтерин өзгөртүү;
• жаңы балкон же лоджияларды куруу же барларын жоюу, эгерде бул фасаддын паспортунда көрсөтүлгөн архитектуралык композицияны бузса.

Мындан тышкары, аталган токтомдун 128-пунктуна ылайык төмөнкүлөргө тыюу салынат:

• эшик жана терезе көзөнөктөрүнүн архитектуралык формасын өз алдынча өзгөртүү;
• тосмолордун түсүн, көрүнүшүн жана тунуктугун өз алдынча өзгөртүү;
• балкондорду жана лоджияларды уруксатсыз реконструкциялоо, айнектөө жана тосмо конструкцияларын орнотуу аркылуу фасаддын архитектуралык чечимин өзгөртүү;
• балкондун же лоджиянын чегинде фасаддын айрым бөлүгүн өз алдынча сырдоо же каптоо.

Подписаться:

Тема боюнча

Бишкектин түштүк тарабында 4 күн газ болбойт

Бишкек шаарынын түштүк тарабында төрт күн жаратылыш газы берилбейт. «Бишкекгаз» кызматы билдиргендей, орто жана төмөнкү …

Кененирээк

Эртең Токомбаев жана Байтик баатыр көчөлөрүнүн кесилиши жабылат

Бишкекте Аалы Токомбаев жана Байтик баатыр көчөлөрүнүн кесилиши убактылуу жабылат. Бул тууралуу мэриядан кабарлашты. Маалыматка …

Кененирээк

Эртең Бишкектин айрым жерлеринде суу өчөт

Мэриядан билдиришкендей, 17-июнь саат 09:00дөн 18-июнь саат 06:00гө чейин төмөнкү аймактарда суу өчүрүлөт: Темир жол …

Кененирээк

Бишкекте 14 автобустун каттамы өзгөрөт

Бүгүндөн тарта Бишкекте Киев көчөсүн реконструкциялоо иштерине байланыштуу 14 автобустук каттамдын жүрүү чиймелери убактылуу өзгөртүлдү. …

Кененирээк

Иманалиев көчөсүндө кыймыл чектелет

Эртең, 16-июндан тарта Иманалиев көчөсүнүн 7-Апрель көчөсүнөн Жукеев-Пудовкин көчөсүнө чейинки бөлүгүндө унаалардын кыймылы убактылуу чектелет. …

Кененирээк

Эртең Бишкектин айрым жерлеринде суу өчөт

Муниципалитеттен билдиришкендей, 16-июнда саат 10:00дөн 13:00гө чейин төмөнкү аймактарда суу болбойт: Суу “Батыш-2” суу топтомосунда …

Кененирээк