Бишкектеги жаңы ачылган Чолпонбай Түлөбердиев атындагы сейил багында нөөмөттө турган патрулдук милициянын инспектору санитардык-эпидемиологиялык талаптарды аткарбай, каршылык кылып, өзүн агрессивдүү көрсөткөн адамдардын тобуна эскертүү иретинде асманга ок чыгарган. Бул тууралуу Бишкек ШИИББинин маалымат кызматынан билдиришти.
Маалыматка ылайык, окуя тууралуу билдирүү Биринчи Май РИИБинин нөөмөт бөлүмүнө 17-майда саат 21:30 чамасында түшкөн. Анда Чолпонбай Түлөбердиев атындагы эс алуу багында белгисиз адамдар милиция кызматкерине кол салууга аракет кылып жаткандыгы кабарланган.
«Аталган сейил бакта нөөмөттө турган патрулдук милициянын инспектору К.Б. карантиндик шарттардын талабын аткарбай, коомдук жайда тобу менен жыйналып отурган адамдарды көргөн. Кызматкер топтолгон жарандарга санитардык эрежелерди сактоого чакырып, коомдук жайдан тарап кетүүсүн айтып, эскертүү берген. Бирок жарандар кызматкерге агрессивдүүлүгүн көрсөтүшүп, милициянын ок атуучу куралын алууга аракет кылышкан. Бул учурда патрулдук милициянын кызматкери мыйзамда көрсөтүлгөн беренеге ылайык, эскертүү иретинде асманга карай ок чыгарган»,-деп айтылат маалыматта.
Аталган факты Кылмыштардын жана жоруктардын бирдиктүү реестрине 266-берене «бейбаштык» менен катталып, сотко чейинки өндүрүш иши ачылган.
Эске салсак, буга чейин Бишкек шаарынын Чолпонбай Түлөбердиев атындагы парктан тартылган видео социалдык тармактарда тараган.
Бишкектин бир бөлүгүндө таза суу убактылуу өчүрүлөт. Бул тууралуу мэриядан кабарлашты. Маадыматка ылайык, Жал кичи …
Бишкекте бүгүн, 16-апрелден тарта №23 жаңы автобустук каттам ишке кирет. Муниципалитеттен билдиришкендей, жаңы автобус линиясынын …
Бишкектин көчөлөрүндөгү таяныч мамыларына уруксатсыз илинген жарнамалар тазаланууда. Бул тууралуу мэриядан билдиришти. Белгиленгендей, мамыларды таза …
Бишкек шаарын көрктөндүрүү жана жашылдандыруу боюнча жарыяланган эки айлыктын алкагында борбор калаанын бардык райондорунда массалык …
Бишкекте балдар жөнүндө мыйзамдын талаптарынын сакталышы боюнча Биринчи май районунун социалдык өнүктүрүү башкармалыгына текшерүү жүргүзүлдү. …
Бишкекте Жукеев-Пудовкин көчөсүн Токомбаев көчөсүнөн «Газпром» мектебине чейин улантуу жолунун курулушу башталды. Муниципалитеттен билдиришкендей, жол …
