Бишкек шаардык кеңешинин жаңы чакырылышы ишин баштады. Социалдык тармактарда шаардык кеңештин депутаттарынын үй-бүлөлүк байланыштары талкуу жаратып жатат.
Алсак, жаңы депутат болуп келгендердин теңинен көбү мурунку аткаминерлердин балдары менен бизнесмендердин туугандары.
Конгантиев Кубанычбек Камбаралыевич — мурунку башкы прокурор Кабаралы Конгантиевдин уулу, мурдагы ички иштер министри Молдомуса Конгантиевдин иниси.

Атамбаев Кадырбек Алмазбекович — Кыргыз Республикасынын мурунку президенти Алмазбек Атамбаевдин уулу.

Жолдошбаева Наргиза Камчыбековна — Жогорку Кеңештин депутаты Камчыбек Жолдошбаевдин кызы.

Салымбеков Жумабек Мамытбаевич — Жогорку Кеңештин мурунку депутаты, «Дордой» ассоциациясынын директорлор кеңешинин мүчөсү Мамытбай Салымбековдун уулу. Ал дагы «Дордой» холдингинин ээси Аскар Салымбековдун иниси.

Абдуллажанов Султанбек Мухтарович — Жогорку Кеңештин депутаты Азамат Арапбаевдин жээни.
