Бишкек шаардык сотунун 12-январдагы чечими менен жарандык активист Адилет Али Мыктыбек (Адилет Балтабай) камакка алынды.
Бул тууралуу «Азаттыкка» анын адвокаты Такен Молдакулов билдирди. Анын айтымында, шаардык сот Биринчи май райондук сотунун былтыр ноябрдагы пробациялык көзөмөл боюнча чечимин жокко чыгарды. Эми ал пробациялык мөөнөт бүткүчө камакта болот. Адвокат анын мөөнөтүн тактабады. Блогердин кайсы жайда кармалары айтылган жок.
Адилет Балтабай сот залынан элге кайрылып, пробациянын шартын бузбаганына карабай камалып жатканын айтты.
Жакында Адилет Балтабай Кемпир-Абад иши боюнча камалгандардын тарапташтары нааразылык акциясын колдоп митингке катышкан.
Блогер Фейсбуктагы баракчасында Бишкекте өткөн казиного каршы митингдерди жана башка нааразылык акцияларын түз эфирде чагылдырып келген. Былтыр 30-июнда милицияга суракка чакырылгандан кийин камалган. Биринчи май райондук милициясы ал Кылмыш-жаза кодексинин 278-беренеси («Жапырт башаламандык») боюнча козголгон кылмыш ишинин алкагында кармалганын билдирген.
Бишкектин Биринчи май райондук соту былтыр 11-ноябрда аны күнөөлүү деп таап, беш жылга эркинен ажыраткан. Ошол эле учурда үч жылдык пробациялык көзөмөл чечими кабыл алынып, сот залынан бошотулган.
Чүй облустук соту активист Адилет Балтабайга карата чечим чыгарды. Маалыматты Жогорку Соттун басма сөз кызматы …
Журналист, Nazar news сайтынын ээси Гүлжан Шерипбаева 48 саатка камалды. Бул тууралуу анын жакындары билдиргенин …
Чуй облусунун Сокулук райондук сотунун 10-ноябрдагы токтому менен Мыктыбек Адилет Алиге карата Сокулук райондук пробация …
Активист Адилет Балтабай (Адилет Али Мыктыбек) дайынсыз болуп жатканын анын жубайы журналисттерге кабарлаган. Жубайы Адилет …
Улуттук коопсуздук боюнча мамлекеттик комитет «бийликти күч менен басып алуу аракетин көргөн» деген айып менен …
Жогорку сот 19-апрелде Адилет Балтабай деген ат менен таанымал блогер жана жарандык активист Адилет Али …
