Бишкек шаарында 35 жаштагы жаран көчөдөгү дааратканага түшүп кетти. Бул тууралуу Өзгөчө кырдаалдар министрлигинен билдиришти.
Маалыматка караганда, 10-декабрь күнү саат 12.30дар чамасында Ленин районундагы жеке үйлөрдүн бириндеги дааратканага 35 жаштагы адам түшүп кеткен.
Өзгөчө кырдаалдар министрлигинин куткаруучулары жабырлануучуну дааратканадан чыгарышкан.
«Жарандын абалы канааттандырарлык»,-деп айтылат маалыматта.