Бүгүн, 28-мартта Шайлоо жана референдум өткөрүү боюнча борбордук комиссия Жогорку Кеңештин депутаты Султанбай Айжигитовдун депутаттык мандатынан ажыратуу боюнча УКМКнын кайрылуусун карап жатат.
Айжигитов 2021-жылы Жогорку Кеңештин депутаты болуп «Ыйман нуру» партиясынан шайланган.
БШКнын төрагасы Тынчтык Шайназаровдун айтымында, депутаттын талапкерлигин каттоодон баш тартууга УКМКнын тергөөчүсүнүн кайрылуусу негиз болууда. УКМКнын бөлүм башчысынын маалыматы боюнча, 2018-жылы Султанбай Айжигитовго карата бейбашчылык боюнча айып тагылып, эч жакка чыкпоо тууралуу тил кат алынган. Кылмыш иши Сокулук райондук сотуна жөнөтүлүп, ал 2020-жылы аны күнөөлүү деп тапкан жана бул өкүм 2021-жылы өзгөргөн эмес. Сот аны күнөөлүү деп тапкан, бирок мөөнөтү өтүп кеткендиктен жазадан бошотулган.
Жыйынга Айжигитов өзү да катышып жатат.
Эске салсак, депутат Айжигитов 5-мартта кыргыз-тажик чек арасы боюнча келишимге карата өз пикирин билдирип, бир катар сунуштарды айткан. Андан кийин ал «Ыйман Нуру» фракциясынан чыгарылган.
Парламенттин 19-марттагы жыйынында Камчыбек Ташиев Айжигитовго байланыштуу да бардык маалыматтарды факт менен топтогонун айткан. Ал Жогорку Кеңештин депутаттыгына талапкер соттуулугу жана кылмыш жоопкерчилигине тартылганы тууралуу БШКга маалымат берүүгө милдеттүү экени мыйзамда жазылганын, бул тууралуу маалыматтар аныкталган чакта депутат мандатынан ажыратыларын кошумчалаган.
Социалдык тармактарда ооруканада жаткан Султанбай Айжигитовдун сүрөттөрү жарыяланды. Ошондой эле анда анын аялынын да сүрөттөрү …
Мурдагы депутат Султанбай Айжигитов жана анын жубайы кызматтык абалынан кыянаттык менен пайдаланган деп айыпталууда. Бул …
Шайлоо жана референдум өткөрүү боюнча борбордук комиссиясы Султанбай Айжигитовдун социалдык тармак аркылуу жасаган билдирүүсүнө жооп …
Бишкектин административдик соту Султанбай Айжигитовдун аны депутаттык мандатынан ажыраткан Борбордук шайлоо комиссиясынын чечимине каршы арызын …
Жогорку Кеңештин депутаттык мандатынан ажыратылган Султанбай Айжигитов Борбордук шайлоо комитетине (БШК) каршы доо арыз менен …
Жогорку Кеңештин экс-депутаты Султанбай Айжигитов Борбордук шайлоо комиссиясынын (БШК) анын мандатын алуу боюнча 28-мартта чыгарган …
