Быйыл президенттин катышуусундагы Нооруз майрамы Нарында өтөт

Нарын облусу Нооруз-2026 элдик майрамына арналган негизги салтанаттардын борбору болот. Майрамдык иш-чара шаардын Т. Усубалиев атындагы борбордук аянтында өтөт. Салтанатка президент Садыр Жапаровдун катышуусу күтүлүүдө.

Майрамдык программада:

• табияттын жаңыруусуна жана элдин биримдигине арналган театралдаштырылган оюн-зоок;
• салттуу сүмөлөк таркатуу жана улуттук оюндарды өткөрүү;
• күндүзгү масштабдуу концерт, ошондой эле саат 19:00дө өлкөнүн алдыңкы артисттеринин катышуусундагы гала-концерт.

Майрамдык салтанат саат 21:30да Нарындын түнкү асманын кооздогон жаркыраган фейерверк менен аяктайт.

Белгилей кетсек, 2025-жылы Нооруз майрамы президенттин катышуусунда Ош шаарында белгиленген.