Чүйдүн Сокулук районунда 13 жаштагы бала сууга чөгүп кетти. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, Чүй облусунун Сокулук районундагы Күн-Туу айылында жайгашкан суу сактагычка 2008-жылы туулган Ж.А. аттуу бала чөгүп кеткен.
Жерине издөө иштерин жүргүзүүгө 5 куткаруучу тартылып, баланын сөөгүн суудан чыгарып, туугандарына өткөрүп беришкен.