Чүй облусуна караштуу Жайыл районунда дарыгер- реаниматолог өз жанын кыйды. Бул маалыматты Саламаттык сактоо министрлиги тастыктады.
Алдын-ала маалыматтар боюнча, маркумду акыркы сапарга узатуу зыйнаты кечээ, 5-сентябрда өткөн. Анын бул кадамга барышына үй-бүлөлүк көйгөйлөрү себеп болушу мүмкүн экени айтылууда.
Учурда катталган факты боюнча териштирүү иштери жүрүп жатканын Саламаттык сактоо министрлигинен кабарлашты.