Чүйдө автоунаасы менен тоодон кулап түшкөн адам каза тапты. Бул тууралуу 29-апрелде Өзгөчө кырдаалдар министрлигинен билдиришти.
Билдирүүгө ылайык, кырсык 28-апрелде саат болжол менен 22:00 чамасында Аламүдүн районунда
орун алган. Анда «Тойота Прадо” үлгүсүндөгү унаанын 24 жаштагы айдоочусу унаасы менен Байтик айылынын Боз-Бөлтөк тоосунун чокусунан коктуга кулап түшкөн.
«Окуя болгон жерге 1 бөлүм тартылып, куткаруучулар жабыркаган жаранды коктудан носилка менен чыгарып, «Тез жардам» кызматкерлерине өткөрүпберишкен. Бирок ал ооруканага жетпей көз жумган»,-деп айтылат маалыматта.