Жалал-Абад облусуна караштуу Чаткал районунун акими Канжар Эшалиев кызматынан бошотулду. Бул тууралуу жергиликтүү басылмалардын бирине өкмөттүн Жалал-Абад облусундагы өкүлү Нурболот Мирзахмедов билдирген.
Аталган районду 2013-жылдан бери жетектеп келген Канжар Эшалиев өз каалоосу менен жазган арыздын негизинде кызматынан кеткен.
Анын ордуна премьер-министр Мухаммедкалый Абылгазиевдин буйругу менен Чаткал райондук администрация башчысы болуп Жуманалы Накетаев дайындалган. Ал буга чейин акимдин биринчи орун басары болуп эмгектенген.