Чек арадагы куралдуу атышууда 27 жаштагы Мурзаев Илимбек Манасович каза болду. Бул тууралуу Govori.TVга маркумдун жакындары билдирди.
Маалым болгондой, Илимбек Мурзаев 1995-жылы туулган. Баткендин тургуну.
«Үй-бүлөсү бар, артында кичинекей кызы калды. Сөөгүн жерге бердик. Аскер кызматкери болуп иштеп жатканына 5 жыл болгон», — деди бир тууган карындашы.
Белгилей кетсек, 16-17-сентябрдагы кыргыз-тажик чек арасындагы куралдуу кагылышта мерт болгондордун саны 36га жетип, 134 адам жаракат алды.