26-сентябрь күнү Чек арадан мыйзамсыз өтүүгө аракет кылган өзбекстандык жаран кармалды. Бул тууралуу Мамлекеттик чек ара кызматынан билдиришти.
Чек ара кызматы билдиргендей, ал жаран көзөмөл-өткөрүү жайынан тышкары өтүүгө аракет жасаган. Өзбекстандык жаран «Достук — унаа жол» көзөмөл өткөрмө жайынын чек ара кызматкерлери тарабынан кармалган.
Тийиштүү кагаздар толтурулгандан кийин кармалган ал жаран КР Ички иштер министрлигинин аймактык бөлүмүнүн кызматкерлерине өткөрүлүп берилген.