“Чек талап кылып, байге утуп ал!” лотереясын өткөрүүнүн мөөнөттөрү жана байгелери

Мамлекеттик салык кызматынын “Чек талап кылып, байге утуп ал!” кызыктыруучу лотереясы Кыргызстандын бардык аймагында өткөрүлүп, 2022-жылдын 31-декабрына чейин уланат. Бул тууралуу Салык кызматынын расмий сайтында кабарланат.

Маалыматта айтылгандай, байгелердин биринчи туру 2022-жылдын 1-июлунда, экинчиси 1-октябрда, үчүнчүсү ушул жылдын 31-декабрында ойнотулат.

Биринчи турда 2 автоунаа, 10 iPhone 13, 10 Samsung смартфону, 2 муздаткыч, 2 телевизор, 2 микротолкундуу меш, 2 кир жуугуч машина, 2 чаң соргуч, Ысык-Көлгө 5 жолдомо жана башка байгелер коюлат.

Экинчи утушта 1 автоунаа, 10 iPhone 13, 10 Samsung смартфону, 2 муздаткыч, 2 телевизор, 2 микротолкундуу меш, 2 кир жуугуч машина, 2 чаң соргуч жана башка байгелер ойнотулат.

Ал эми жыйынтыктоочу 3-утушта Бишкектен 1 бөлмөлүү батир, 1 автоунаа, 10 iPhone 13, 10 Samsung смартфону, 2 муздаткыч, 2 телевизор, 2 микротолкундуу меш, 2 кир жуугуч машина, 2 чаң соргуч жана башка байгелер өз бактылуу ээлерин күтөт.

Утуш номерлерди тандоо лотереянын автоматташтырылган системасы аркылуу сандарды туш келди тандоо ыкмасы (рандом) аркылуу жүргүзүлөт.

Лотереяга катышуу үчүн:

– Google play же AppStore аркылуу «Салык чек» мобилдик тиркемесин жүктөп алып, каттоодон өтүү;

– товарларды сатып алууда же кызматтарды пайдаланууда ККМдин гана кассалык чегин талап кылуу;

– мобилдик тиркемеге алынган кассалык чектин QR-кодун сканерден өткөрүү жетиштүү.

Система сканерден өткөн кассалык чектин топтолгон суммасын утушка катышуу үчүн уникалдуу номерлерге автоматтык түрдө алмаштырат. 1000 сомго 1 уникалдуу ID номер ыйгарылат.