Бишкекте чет элдик 27 жаштагы Ш.С. аттуу аялды зордуктоого шектелип М.Ч. аттуу жаран кармалды. Бул тууралуу Свердлов РИИБдин маалымат кызматы кабарлады.
Аталган факты Кылмыштардын бирдиктүү реестрине Кылмыш-жаза кодексинин 155-беренеси («Сексуалдык мүнөздөгү зомбулук аракеттер») менен каттоого алынган.
Шектүү М.Ч. эки айга камакка алынган. Тергөө иштери уланууда.
Айрым маалымат каражаттары шектүү таанымал актер жана режиссер экенин жазып чыгышты.