• Шейшемби 27 Бирдин айы 2024
  • Вторник 27 Февраль 2024

Чоң-Алайда сел суулары үйлөрдү каптады

19 июля 2020 в 14:08 Бишкек Govori.TV

Чоң-Алай районунда жаандан улам каналдардан суу ашып, турак үйлөргө кирген. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, Ош облусунун Чоң-Алай районунда 18-июль күнү саат 19:30 чамасында жааган жамгырдын кесепетинен Чоң-Алай айыл аймагында каналдардан суу ашып, Дароот-Коргон айылындагы 8 турак үйдүн короосун, Кызыл-Эшме айылындагы 5 турак үйдүн короосун суу каптаган жана Беш-Кашар тилкесинде жайгашкан 1 турак үйдүн ичине суу кирген.

«Жерине Чоң-Алай райондук бөлүмүнөн ыкчам топ жана айыл аймактан 2 экскаватор, 1 жүктөгүч тартылган. Тартылган күчтөрдүн аракетинде 1 турак үйдүн ичи толугу менен тазаланган жана каналдарды тазалоо иш-чаралары жүргүзүлгөн. Ал эми сел суулары кирген турак үйлөрдүн ээлери короолорун өздөрү тазалап алышкан»,-деп айтылат маалыматта.

Бүгүн, 19-июлда сел өтүүчү каналдарды калыбына келтирүү иш-чаралары улантылууда.

Количество просмотров: 169