Чоң Чүй каналына түшүп кеткен 41 жаштагы аялдын сөөгү изделүүдө. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка караганда, Чүй районунда 13-июль күнү Алга айылындагы каналга 1979-жылы туулган аял киши түшүп кеткендиги тууралуу маалымат түшкөн.
«Издөө иш-чараларын жүргүзүү максатында жерине ӨКМдин №21 өрткө каршы куткаруу бөлүмүнүн куткаруучулары тартылган»,-деп айтылат маалыматта.
Издөө иш-чаралары бүгүн, 14-июль күнү улантылынат.