Белгилүү дин аалымы Чубак ажы Жалиловду акыркы сапарга узатууга миңдеген адамдар катышты. Бул тууралуу видео социалдык тармактарда жарыяланды.
Видеодо Чубак ажы Жалиловдун жаназасына катышуу үчүн миңдеген адамдардын барганын көрүүгө болот.
Мурдагы муфтий Чубак ажы Жалиловдун сөөгү бүгүн, 11-июлда кичи мекени Базар-Коргон районундагы Бай-Мундуз айылында жерге берилди.
Эске салсак, Чубак ажы Жалилов 11-июлга караган түнү өпкөнүн сезгенүү илдетинен көз жумду.