Бишкек шаарындагы №2 үй-бүлөлөк медицина борборунда коронавируска каршы вакцина сакталган муздаткыч өчүрүлүп, натыйжада 930 доза вакцина жараксыз болушу мүмкүн экендигин Govori.TVга өздүк булактар билдиришти.
Маалыматты тактоо иретинде Шаардык саламаттык сактоо башкармалыгынын башчысы Бактыгүл Исмаиловага байланышканыбызда ал аталган маалымат боюнча кабары жок экенин айтты.
«Бизде бул тууралуу маалымат жок, комментарий бере албайм. Суроого жооп алуу үчүн Бишкек шаарындагы №2 Үй-бүлөлөк медицина борборунун жетекчилигине байланышсаңар болот. Алар Республикалык иммунопрофилактикалык борбор менен түз иштешет», — деди ал.
Республикалык иммундук профилактика борборунун директору Гүлбара Ишенапысова коронавируска каршы вакцина сакталган муздаткыч өчкөнү тууралуу маалыматты ырастап, төмөндөгүлөргө токтолду.
«Бул мүчүлүштүк муздаткычтан кеткен эмес. Атайы иликтөө жүргүзүп, вакцинаны өндүрүүчүлөрдөн маалымат алуу үчүн билдирүү жөнөттүк. Комиссия дагы түзүлдү, аталган вакциналар бүгүнкү күндө колдонулган жок. Бизде авариялык абал болгон учурда маалымдоочу система бар. №2 үй-бүлөлөк медицина борбору дароо Республикалык иммунопрофилактикалык борборго кабарлап, бизди чакырышкан. Жерине барып тааныштык. Муздаткычта «Спутник V» вакцинасы сакталган болчу. Мисалы, «SinoPharm» вакцинасы жылуулукта 55 саатка чейин турат. Ал эми «Спутник V» вакцинасына салыштырмалуу 2 саат гана боло алат. Аталган дозанын баардыгы жабыркаган эмес. Бул маселени вакцина өндүрүүчүлөр менен байланышып чечебиз, колдонуу жоболорун сурайбыз», — деди Ишенапысова.
Эскерте кетсек, 29-мартта өлкөдө Кытайдан келген «SinoPfarm» вакцинасы менен эмдөөнүн алгачкы этабы башталган. Учурда Кыргызстан коронавируска каршы эмдөө алкагында 2 вакцинаны колдонууда. Кыргызстанга келген Кытай препараты 75 миң адамга, орус препараты 10 миң адамга жете турганы кабарланган. Ошондой эле, май айында коронавируска каршы «AstraZeneca» вакцинасынын 420 миң дозасы келери айтылган. Кыргызстанда март айынын этегинде башталган коронавируска каршы эмдөө өнөктүгүнүн биринчи фазасынын алкагында 64 миңден ашуун адам эмделди.
Эртең, 12-мартта турак үйлөрдө, мектептерде, балдардын мектепке чейинки уюмдарында, саламаттык сактоо объекттеринде жана башка социалдык-тиричилик …
АЯНТТАГЫ ТУУ КАЙРА АЛМАШТЫ Мамлекеттик катчы Сүйүнбек Касмамбетов 1-январда Бишкектеги “Ала-Тоо” аянтында макулдашылбаган туу илингенин …
«Бишкек башкы архитектура» мекемеси борборубуздун жасалма интеллектин жардамы менен тартылган сүрөттөрүн жарыялады. «Биздин Бишкекти жасалма …
КР министрлер кабинетинин төрагасы Акылбек Жапаров «Улуттук өнүгүү форуму-2023: «Жакырчылык жана теңсиздик» форумунун алкагында БУУнун …
Президент Садыр Жапаровдун жарлыгына ылайык, Бишкек шаарынын мэри болуп экс-мэр Айбек Жунушалиев дайындалды. Мурдагы калаа …
Бүгүн, 12-сентябрда Кыргызстанга кызамык-кызылча вакцинасынын 755 миң 500 дозасы келди. Саламаттык сактоо министрлигинен билдиришкендей, вакциналарды …
