Пневмония илдетинен улам көз жумган Жогорку Кеңештин экс-спикери Чыныбай Турсунбековдун кызы Говори.ТВ агенттигинде маек куруп, атасынын кантип ооруп калганы, акыркы күндөрү, көз жумганы тууралуу айтып берди.
Анын айтымында, пандемия маалында дарылоочу протоколдордо капыстык болгондуктан өлүм көп катталган.
«Клиникалык колдонмонун үчүнчү версиясы май айынын башында даяр болгонун билдик, бирок июнь айына чейин бекитилген жок. Ал эми фармацевтикалык компанияларга 1-июлда өткөрүлүп берилген. Мурунку эки версиясынан дарылоо жагынан айырмаланып турган. Мисалы, антиоагулянттар көрсөтүлгөн. Башкача айтканда, дары-дармектерди сатып алуу үчүн кымбат убакыт текке кетип, дарыгерлер даярдалган эмес. Ушул эле нерсе төртүнчү протокол менен болгон», — деди ал.
