Кыргызстанда бүгүнкү күнгө карата 407 адам коронавирустан (пневмонияны эсепке алганда) айыкты. Бул тууралуу Республикалык штабдан кабарлашты.
«Бишкек шаарында 51 киши, Ош шаарында – 91, Чүй облусунда – 27, Ош облусунда – 67, Талас облусунда – 18, Нарын облусунда – 9, Ысык-Көл облусунда – 37, Жалал-Абад облусунда – 66, Баткен облусунда 41 бейтап коронавирустан айыкты»,-деп айтылат штабдын маалыматында.
Белгилей кетсек, Кыргызстанда коронавирустан айыгып чыккандардын жалпы саны 32 миң 229га жетти.