Өкмөт кийинки аптада коронавирус илдетин дарылоонун бешинчи протоколун талкуулайт. Бул тууралуу вице-премьер-министр Эльвира Сурабалдиева бүгүн, 16-декабрда «Биринчи радиодого» берген маегинде билдирди.
«Учурда медицина кызматкерлери жана жугуштуу оорулар боюнча адистер бешинчи протоколду даярдап жатышат. Төртүнчү протоколдон чоң айырмачылыгы деле жок. Буга чейин изилденбеген нерселер эске алынды», — деп билдирди Сурабалдиева.