Дүйнөлүк көчмөндөр оюну Түркиянын Изник шаарында өтөт. Бул тууралуу бүгүн, 17-январда маданият, маалымат жана туризм министри Азамат Жаманкулов маалымат жыйынында билдирди.
“Түркия азырынча көчмөндөр оюндарынын күнүн, өткөрүү форматын айта элек. Кыргыз өлкөсүнүн маданий программасы жана спортчулары оюнга барууга даяр”, — деди министр.
Кошумчалай кетсек, Дүйнөлүк көчмөндөр оюндары Кыргызстандын демилгеси менен 2014-жылдан бери өткөрүлүп келет. Буга чейин дүйнөлүк оюн Кыргызстанда үч жолу өткөн. 2018-жылы Түркияга өткөрүлүп берилген.