Өткөн суткада коронавирус жуктурган жаңы 38 учур катталды. Бул тууралуу Саламаттыкты сактоо министринин орун басары Мадемин Каратаев билдирди.
Анын айтымында, 12 медицина кызматкеринде COVID-19 вирусу тастыкталды.
«Инфекцияны жуктурган медиктердин жалпы саны – 63 учур. Жаӊы учурлардын ичинен 1 медкызматкер Бишкек шаарында, 5 – Нарын облусунда, 6 – Ош шаарында», — деди ал.
Ошентип, бул илдетке чалдыккандардын саны азыркы учурда 377 болду.