Дем алыш күндөрү азык-түлүк жарманкеси өтөт

Бишкек шаарында дем алыш күндөрү кезектеги азык-түлүк жарманкеси өтөт. Бул тууралуу Айыл чарба, тамак-аш өнөр жайы жана мелиорация министрлигинин басма сөз кызматынан билдиришти.

Маалым болгондой, жарманке Түштүк магистраль Нуркамал Жетикашкаева көчөлөрүнүн кесилишиндеги аймакта (12-кичи району) саат 10:00дө башталат.

Жарманкеде азык-түлүктөргө коюлган баалар:

Эт азыктары — 380-390 сом;

Жумуртка (10 даанасы) — 85-90 сом;

Үй тооктору — 180-200 сом;

Көлдүн айраны — 37-38 сом;

Өсүмдүк майы — 113-123 сом;

Картошка — 22-23 сом;

Пияз — 11-13 сом;

Сабиз — 20 сом.