• Дүйшөмбү 30 Үчтүн айы 2023
  • Понедельник 30 Январь 2023

Дем алышта 9 өрт кырсыгы катталды

28 ноября 2022 в 10:38 Бишкек Govori.TV

Кыргызстанда дем алышта 9 өрт кырсыгы катталды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, анын ичинен Чүй облусунда 3, Жалал-Абад облусунда 1, Нарын облусунда 1, Баткен облусунда 1, Ош облусунда 3 өрт кырсыгы катталып, аны өчүрүүгө 9 бөлүм тартылган.

Аламүдүн районунун Мурас-Ордо конушундагы Тендик көчөсүндө жыгач устундуу темир менен жабылган 70 чарчы метр эки кабаттуу турак үй толугу менен күйгөн. Өрттүн себеби такталууда.

Кара-Суу районунун Кайрагач айылында жыгач устундуу шифер менен жабылган бир жарым кабаттуу турак үйдүн 80 чарчы метр чатыры, эки бөлмөсү жана үй тиричилик буюмдары толугу менен күйгөн. Өрттүн себеби такталууда.

Количество просмотров: 55