Жогорку Кеңештин депутаты Мирлан Бакиров Мамлекеттик мүлктү башкаруу фондунун төрагасы болуп дайындалды. Тиешелүү буйрукка Премьер-министр Улукбек Марипов кол койгон.
Фонддун мурунку башчысы Жылдызбек Исакулов 2021-жылы февралда кызматтан кеткен. Аталган мекеменин башчысынын милдетин убактылуу төраганын орун басары Ишенбек Медетов аткарып турган.
Мирлан Бакиров 2015-жылы «Өнүгүү-Прогресс» партиясынын тизмеси менен Жогорку Кеңештин депутаты болуп шайланган. Ушул VI чакырылышта вице-спикер кызматын аркалаган. 2020-жылы 23-декабрда өз арызы менен кызматтан кеткен.
