Жогорку Кеңештеги «Өнүгүү-Прогресс» партиясынын депутаты Тынчтыкбек Шайназаровдун талапкерлиги Борбордук шайлоо комиссиясынын мүчөлүгүнө көрсөтүлдү.
Маалымат боюнча, Тынчтыкбек Шайназаровдун талапкерлигин парламенттеги коалициялык көпчүлүк көрсөттү жана ал Жогорку Кеңештин 3-сентябрдагы жыйынында каралат.
Ал БШКнын мурдагы мүчөсү Назарали Ариповдун ордуна барганы жатат. Арипов парламенттик шайлоого талапкер болуп катталгандыктан, Боршайкомдогу мүчөлүк ыйгарым укуктарын токтоткон.