Бүгүн, 21-сентябрдагы парламент жыйынында депутат Мирлан Самыйкожо акын, жазуучу, публицист Олжобай Шакирдин камакка алынышы боюнча маселе көтөрдү.
«Жазуучу, акын, публицист, калеми курч, тили заар, дили таттуу Олжобай Шакир деген бүгүн камакта отурат. Интеллигенциянын бүтүн өкүлдөрү бийликке кайрылып жатат. Ушуну карап берип койсоңуздар. «Баш кесмек бар, тил кесмек жок» дейт кыргызда. Илгери Токтогул акын Сибирге айдалып кетип, келгенден кийин деле Токтогул аты өчкөн жок. Олжобай акын да бүгүн камакта болсо, эртең чыккандан кийин да Олжобай аты өчпөйт окшойт, өчүрө албайбыз. Ал да абакта отуруп, күнүгө аңгемелерин, ырларын жазып,
«Телмирип сыртты карайм,
Темир тор туш-туш бекем.
Жатам да күнүм санайм:
Үйүмө качан кетем?» — деп кайрылып жатат. Мүмкүн болсо, ушуну Президентибизге айтып, көңүл буруп койсоңуздар», — деди Мирлан Самыйкожо.
Эске салсак, Олжобай Шакир 23-августта Улуттук коопсуздук боюнча мамлекеттик комитетине суракка чакырылып, дээрлик сегиз саатка созулган сурактан кийин 48 саатка камалган. Ага “массалык башаламандык уюштуруу”, “бийликти басып алуу аракети” беренелери боюнча айып коюлуп жатат. Биринчи май райондук соту 2 айга камакка алуу чечимин чыгарган.
Жогорку Кеңештин депутаты Мирлан Самыйкожо бүгүнкү жыйында бардык министрлерге сөз берүүнү талап кылды. Белгилей кетсек, …
19-февралда Аламүдүн райондук сотунда жазуучу жана публицист Олжобай Шакирдин иши боюнча соттук отурум болбой калды. …
Бүгүн, 19-декабрда Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти боюнча комитетинин жыйынында …
Жогорку Кеңештин депутаты Мирлан Самыкойжо мамлекеттик тууну өзгөртүү жөнүндө мыйзам долбоору парламентте биринчи окууда мыйзам …
Камактагы жазуучу, публицист Олжобай Шакирдин бүгүн 24-ноябрга белгиленген соту өтпөй калды. Буга аны сотко алып …
Жогорку Кеңештин жыйынында депутат Мирлан Самыйкожо үй-бүлөдөгү зордук-зомбулук тууралуу маалыматтын социалдык тармактарда жана жалпыга маалымдоо …
