Жогорку Кеңештин депутаты Кубанычбек Жумалиев 4-апрелге чейин камакка алынды. Бул тууралуу Бишкек шаарынын Биринчи май райондук сотунун басма сөз кызматы кабарлады.
Соттун 4-февралдагы токтомуна ылайык, шектүү Кубанычбек Жумалиевдин бөгөт чарасы камакка алуу түрүндө тандалды. Ал УКМКнын тергөө изоляторунда 2021-жылдын 4-апрелине чейин болот.
Белгилей кетсек, Жогорку Кеңештин депутаты Кубанычбек Жумалиев Улуттук коопсуздук боюнча мамлекеттик комитети тарабынан коррупцияга шектелип кармалган.