Бүгүн, 16-мартта Жогорку Кеңеш “Кыргыз Республикасынын Баткен облусунун Лейлек районунун Исфана шаарын Раззаков шаары деп кайра атоо жөнүндөгү” мыйзам долбоорун карап, үч окууда жактырды.
Жалпы жыйында Министрлер кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин директору Элчибек Жантаев маалымат берип, мыйзам долбоору Кыргыз Республикасынын Президентинин 2021-жылдын 23-декабрындагы жарлыгынын негизинде көрүнүктүү мамлекеттик жана саясий ишмер Исхак Раззаковдун элесин түбөлүккө калтырууга багытталганын билдирген.
“Ага ылайык, Исфана шаарын Раззаков шаары деп кайра атоо сунушталууда”, – деген Элчибек Жантаев мыйзам долбоорун үч окууда колдоп берүүнү өтүнгөн болчу.
Талкуу маалында депутат Өмүрбек Бакиров сунушту колдой турганын айтып: “Аталган шаарды эле эмес, Бишкек шаарындагы райондордун, өлкөбүздөгү айрым мекемелердин жана көчөлөрдүн аттарын да өзгөртүүбүз керек”, – деди. Муну менен катар “Исхак Раззаков” деп толук атоо керектигин кошумчалады.
Өз кезегинде Элчибек Жантаев тилдик эрежелерге таянган Илимдер академиясынын окумуштууларынын корутундусунун негизинде “Раззаков” деп атоо чечими кабыл алынганын маалымдады.
Президент Садыр Жапаров бүгүн мамлекеттик жана коомдук ишмер Исхак Раззаковдун кызы Эльмира Раззакова менен жолугушту. …
Баткен облусунун Раззаков шаарында жаңы мал базар куруу пландалууда. Мамлекеттик сатып алуулар порталынын маалыматына ылайык, …
Бүгүн, 16-мартта Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча …
Баткен облустук ички иштер башкармалыгы Исфана шаарындагы адам өлүмүнө шектелип 53 жаштагы Тажикстандын жараны кармалганын …
Исфана шаарынРаззаков шаары деп атоо боюнча чечимимди кабыл алдым. Бул тууралуу президент Садыр Жапаров бүгүн, …
Бүгүн, 25-октябрда Токтогул Сатылганов атындагы Кыргыз Улуттук филармонияда коомдук саясий, мамлекеттик ишмер Исхак Раззаковдун 110 …
