• Жума 23 Бирдин айы 2024
  • Пятница 23 Февраль 2024

Депутаттар Тууну өзгөртүү боюнча мыйзам долбоорун 1-окууда колдоду

29 ноября 2023 в 11:24 Бишкек Govori.TV

Бүгүн, 29-ноябрда Кыргызстандын мамлекеттик Туусун өзгөртүү боюнча мыйзам долбоорун Жогорку Кеңештин депутаттары биринчи окууда колдоп беришти.

Жыйында долбоордун авторлорунун бири, депутат Улан Примов коомчулукта желектеги күндүн нуру күн карама сыяктуу көрүнөрүн, ушундан улам күндүн толкун сымал нурларын түздөп коюу сунушталып жатканын айтты.

Желектин сунушталган вариантында туунун нурлары тик чачырап, түндүктүн ортосундагы чамгарагы үчтөн төрткө көбөйтүлүп жатат.

Документтин дагы бир автору, спикер Нурланбек Шакиев туу өзгөртүлсө бюджеттен каражат кетпей турганын, желек өзгөртүү зарыл болгон жерлерде алмашылса анын чыгымын демөөрчүлөр көтөрө турганын билдирди. Бирок кайсы демөөрчүлөр экенин ачыктаган жок.

Быйыл сентябрда «Кыргыз Республикасынын мамлекеттик символдору жөнүндө» мыйзамга өзгөртүү киргизүүнү сунуштаган долбоор коомдук талкууга коюлган. Мыйзам долбоорунда туудагы күн нурларынын формасын өзгөртүү демилгеленген.

Ошондой эле күн нурунун формасын өзгөртүүдө авторлор баштапкы этапта, математикалык эсептөөлөрдү жүргүзүп иштеп чыгышканы айтылган.

Тууну өзгөртүү сунушу коомчулукта бир катар ача кептерди, талкууларды жараткан.

Эгемен Кыргызстандын мамлекеттик туусу 1992-жылдын 3-мартында Жогорку Кеңештин токтому менен бекитилген. 2004-жылдын 17-июлунда «Кыргыз Республикасынын мамлекеттик символдору жөнүндө» мыйзам кабыл алынган

Количество просмотров: 229