Бишкек.30.05.2019.Govori.TV.
Казакстандын белгилүү ырчысы Димаш Кудайберген казактын ырымын колдонуп, 6 айлык ымыркайдын оозуна түкүргөн видеосу социалдык түйүндөргө тарады.
«Казак элде оозго түкүрүү ырымы бар. Элдин арасында өзгөчө кадыр-баркка ээ болгон адамдар ымыркайдын оозуна түкүрөт. Бул ырым: «Жаңы жылдызды пайда кыл» деген маанини берет. Бул нерсе кызыктай көрүнгөнү менен ырымдын эч кандай күнөөсү жок. Оозго түкүрүү ырымы ата-бабалардан калган көрүнүш. Ата-энелер кезекке туруп, белгилүү инсандардан балдарынын оозуна түкүрүп коюну суранышат», — деп түшүндүрдү видеонун автору.
